احذر أخطاء يقع فيها البعض أثناء التقديم على مسابقات وزارة التربية والتعليم والجهاز المركزي للتنظيم والإدارة .
أغلب المسابقات ومسابقات وزارة التربية والتعليم بشكل عام بيكون لكل محافظة لينك للتقديم في ناس مثلا من محافظة القاهرة ويغلط ويقدم علي لينك محافظة الإسكندرية للأسف بيكون الرد علي طلبك كالاتي…
تم رفض طلبكم لأن المحافظة المقدم بها غير مطابق لمحل الإقامة المثبت في بطاقة الرقم القومي.
لازم يكون تقديمك علي نفس لينك المحافظة التابع لها ومثبتة في بطاقة الرقم القومي الخاص بكم .
قد يهمك أيضا :-
فرز الأوراق يكشف الأخطاء.. أسباب رفض طلبات التقديم في الوظائف والمسابقات وأبرز الحالات
قريبًا.. إعلان نتيجة المرحلة الرابعة وكشوف الناجحين لتعيين 18.886 معلم مساعد بالمدارس الحكومية
إنك مثلا مثبت في بطاقة الرقم القومي محل الإقامة الأتي 12 شارع شريف – حلوان – القاهرة وحضرتك ساكن حاليا في 15 شارع مصطفي كامل- الحي السابع – السادس من أكتوبر وتقدم حضرتك في كتابة البيانات الشخصية ومحل الإقامة تكتب محل الإقامة الحالي وأثناء رفع ملف بطاقة الرقم القومي مثبت فيها محل إقامة تاني في الحالة دي بيكون الرد كالأتي
تم رفض طلبكم لأن محل الإقامة المقدم غير متوافق مع محل الإقامة المثبت في بطاقة الرقم القومي.
لازم يكون محل الإقامة المقدم علية وسيتم كتابتة في البيانات مطابق لمحل الإقامة المثبت في بطاقة الرقم القومي.
من الأخطاء أن حضرتك كنت مقدم علي مسابقة سابقة سواء كانت مسابقة البريد أو الخبراء أو معلم فصل أو معلم مساعد مادة من المراحل السابقة وتقول انا معايا فيش وإيصال هقدم بيهم للأسف في الحالة دي الرد بيكون كالأتي…
تم رفض طلبكم لأن الأوراق المقدمة لا تطابق الشروط المنصوص عليها في الإعلان الرسمي للمسابقة.
لازم يكون فيش وإيصال بتاريخ جديد حضرتك.
من الأخطاء أن حضرتك تجهز الفيش والايصال قبل نزول الإعلان الرسمي للمسابقة في الحالة دي الرد بيكون كالأتي….
تم رفض طلبكم لأن الأوراق المقدمة لا تطابق الشروط المنصوص عليها.
لازم يكون تاريخ الإيصال والفيش بتاريخ لاحق لتاريخ نزول إعلان المسابقة.
من الأخطاء الاستعجال أثناء التقديم والخطأ في كتابة الرقم القومي أو الأسم أو أحد البيانات الأساسية في التقديم بيكون الرد كالأتي…..
تم رفض طلبكم لأن الرقم القومي المقدم بة غير مطابق للرقم القومي المثبت في بطاقة الرقم القومي لديكم
أتأكد من صحة كتابة بياناتك قبل تقديم الطلب لأن مفيش تعديل علي الطلب بعد التقديم.
من الأخطاء إنك ترفق ملف مكان ملف أخر أثناء التقديم
تم رفض طلبكم لأن الأوراق المرفقة لا تتطابق مع الشروط أو الأوراق المطلوبة.
لازم ترفق كل ملف في مكانة الصحيح ويكون حجم كل ملف لا يزيد عن واحد ميجا وصيغة كل ملف تكون jpg
من الأخطاء انة يكون حضرتك مقدم ببطاقة الرقم القومي منتهية أو شهادة الجيش منتهية أو مقدم بصور الأوراق وليس الأصل .
بيتم رفض طلبك .
لازم تكون أوراقك سارية زي بطاقة الرقم القومي وشهادة الجيش وتكون مقدم بأصل الأوراق وليس صور .
من الأخطاء برضوا أن يكون مؤهلك مش مطلوب أو تخصصك أو مطلوب منك تربوي مثلا وتقدم بإفادة التربوي إفادة إثبات!!!!
عفوا لم يتم قبول طلبكم لأن مؤهلك غير مناسب للمؤهل المطلوب في هذة الوظيفة.
لازم يكون مؤهلك وتخصصك مطلوبين في المسابقة ولو مطلوب منك شهادة التربوي إفادة نجاح التربوي تنفع أنما لو لسة حضرتك بتدرس تربوي وعايز تقدم بإفادة إثبات إنك بتعمل تربوي للأسف هتترفض .
أخيرا بعد الانتهاء من تقديم طلبك سيظهرك رقم الطلب الخاص بك لازم تحتفظ به اسكرني أو في ورقة خارجية لأنك لو فقدته للأسف ستتبهدل علي ما تحاول تجيبوا تأني واحتمال متعرش تجيبوا .
