معادلة الدرجات لطلاب الثانوية الأزهرية اللي حابين يدخلوا جامعة خاصة أو جامعة أهلية.
لو أنت من طلاب الثانوية الأزهرية وناوي تقدم في جامعة خاصة أو أهلية أو معهد، يبقى لازم تعرف حاجة مهمة جدًا:
معادلة الدرجات، ودي ببساطة بتحسب مجموعك من غير المواد الشرعية.
إزاي بتحسب المعادلة؟
أنت مجموعك الكلي في الأزهر بيكون من 650 درجة، فيهم 210 درجة للمواد الشرعية.
بنشيل الـ 210 دول، يبقى المجموع العام للمعادلة = 440 درجة.
نحسبها إزاي؟
خلينا نوضح بمثال:
واحد مجموعه 550 درجة من 650
والمواد الشرعية مجموعه فيهم 200
هنشيل الـ 200 من الـ 550
= 350 درجة
دي كده درجتك في المواد الثقافية والعربية فقط.
عشان تطلع النسبة المئوية لمجموعك بعد المعادلة:
هتقسم 350 ÷ 440 × 100= 79.5%
طيب بتعمل إيه بالمعلومة دي؟
لو هتقدم في جامعة خاصة:
بتقدم بشهادة الثانوية الأزهرية عادي، وبتحسب النسبة دي بنفسك عشان تعرف أنت فين تقريبًا.
لو هتقدم في جامعة أهلية أو معهد:
غالباً لازم تروح مكتب التنسيق التابع للجامعة أو المعهد، وهما هيعملوا لك شهادة معادلة رسمية بالمجموع الجديد.
المعلومات دي عن تجارب ناس كتير قبلكم، وكلهم دخلوا كليات وجامعات بالطريقة دي.
مافيش حد بيشرح الكلام ده بالتفصيل، بس حبيت اوصلها لحضراتكم بسهولة ويسر
