أكد اللواء جمال عوض رئيس الهيئة القومية للتأمين الاجتماعي، أنه هناك إصلاحا تدريجيا في منظومة التأمينات بما يسهم في رفع قيمة المعاشات لمستويات جيدة .
13360 حد أقصى
وقال جمال عوض في مداخلة هاتفية مع الإعلامي أحمد موسى في برنامج ” على مسئوليتي ” المذاع على قناة “ صدى البلد”،: “الحد الأقصى لصاحب المعاش الذي يخرج هذا العام 13360 جنيها ودي الناس اللي اشتركت على الحدود القصوى للاشتراك في التأمينات منذ اليوم الأول للاشتراك في التأمينات “.
وأضاف جمال عوض :” حوالي 300 ألف موظف يخرج على المعاش في مصر بشكل سنوي”.
وأكمل جمال عوض: “فيه ناس بتصرف معاشات من السبعينيات والثمانينيات ووصل معاشاتهم لحوالي 10 آلاف جنيه وأكثر “.
ولفت جمال عوض: “الحد الأقصى لقيمة زيادة المعاشات الجديدة 2550 جنيهًا”.
وأكمل جمال عوض :” قيمة المعاش يتحكم فيها قيمة الأجر المشترك به المواطن وعدد سنوات الاشتراك في التأمينات وبالتالي هناك تفاوت في قيمة المعاشات بين فرد وآخر “.
3000 جنيه حد الاشتراك الادنى اول يناير
وقال عوض، خلال مداخلة هاتفية مع الإعلامي أحمد موسى في برنامج “على مسئوليتي” المذاع على قناة “صدى البلد”: “ليه مش بنحط حد أدنى للاشتراك؟ لغاية 2018 كان 250 جنيها، ومن ضمن محاور الإصلاح اللي عملها القانون رقم 148 حط حد أدنى سنة 2020 بقيمة 1000 جنيه، ووصلنا دلوقتي إلى 2700 جنيه، وأول السنة الجديدة هيبقى 3000 جنيه، لأن الحد الأدنى للمعاش له حساباته المرتبطة بأجور المشتركين في التأمينات”.
أكد اللواء جمال عوض رئيس الهيئة القومية للتأمين الاجتماعي، أنه هناك حد ادنى للاشتراك في التأمينات وهو 2700 جنيه وفي أول يناير المقبل سيكون 3000 جنيه والحد الأقصى للاشتراك 16700 جنيه .
وتابع: “سمعنا إن فيه ناس دلوقتي بتطلع معاشات بتاخد 5000 جنيه، مكنش كده السنتين اللي فاتوا كانوا 1500 جنيه، وفيه زيادة سنوية وإصلاح تدريجي مستمر”.
وقال جمال عوض ،:” نظام التأمينات لا يستطيع أن يرفع الحد الأدنى للاشتراك مرة واحدة كي لا يتأثر أصحاب الأعمال “.
وأضاف جمال عوض :” هناك آلية لزيادة الحد الأدنى للاشتراك في التأمينات يتحملها صاحب العمل والمؤمن عليه “.
أضاف: “الحد الأقصى للمعاشات اللي هيخرج السنة دي 13360 جنيهًا، والناس اللي اشتركت على الحدود القصوى من أول يوم اشتراك هي اللي ليها معاش بالشكل ده، واللي بيطلعوا معاش كل سنة حوالي 300 ألف واحد”.
أشار إلى أن: “عندي ناس بتصرف معاشات من الثمانينيات بتدخل في 10 آلاف إلى 13 ألف جنيه، أما اللي بياخدوا 1700 جنيه فدول خرجوا السنة اللي فاتت ومشتركوش كتير على أقل أجر، وقيمة المعاش بتعتمد على قيمة الاشتراك ومدة الاشتراك”.
وأكمل جمال عوض :” نظام التأمينات هو نظام طويل الاجل وإصلاح الأنظمة طويلة الاجل لا يتم في يوم وليلة ولكنها تحتاج على مدى زمني طويل “.
ولفت جمال عوض :” دلوقتي بنسمع إن فيه ناس بتطلع معاش وبتاخد 5000 جنيه معاش وده كلام مكنش موجود قبل كده “.