خطيب فاطمه طلع مظلوم.. وشهد بنت اخته طلعت مظلومه
السبب الحقيقى هو إن فى خلاف بين محمود خطيب فاطمه وأخوه بسبب الشقه اللى هيتجوز فيها محمود.. أخوه عايز الشقه الجديده علشان كبيره وعايز يسيب شقته الصغيره لمحمود يتجوز فيها هو وفاطمه.. وطبعا محمود رفض
حكاية وفاة فاطمة عروس بورسعيد من أغرب الحوادث الغامضة اللي ممكن تقراها في حياتك..واللي لسة ملهاش أي تفسير لحد الآن.
كشفت التحقيقات بمحافظة بور سعيد كواليس مقتل الفتاة فاطمة خليل داخل منزل خطيبها بمنطقة الكاب جنوب المحافظة، بعدما بدأت الواقعة بتلقي بلاغ يفيد بوجود جثة لفتاة داخل الشقة، مع وجود شبهة جنائية أحاطت بالحادث منذ اللحظات الأولى، ما دفع الجهات المعنية إلى مناقشة جميع المتواجدين بمسرح الجريمة.
أسباب قتل فاطمة على يد زوجة شقيق خطيبها ببورسعيد
باشرت جهات التحقيق استجواب كل من كان داخل المنزل وقت الحادث، خاصة أن القضية في بدايتها بدت لغزًا معقدًا، بعد أن اتجهت أصابع الاتهام نحو فتاة تُدعى شهد، وهي ابنة شقيقة خطيب المجني عليها محمود، وسط تضارب في الروايات حول ملابسات الوفاة.
توصلت التحريات لاحقًا إلى أن المتهمة الحقيقية هي دعاء، زوجة شقيق خطيب فاطمة، إذ تبين من خلال مناقشتها أمام جهات التحقيق أن خلافًا نشب بينها وبين المجني عليها بسبب شقة الزوجية، بعدما كان شقيق محمود الأكبر – زوج المتهمة – قد عرض على العريس الجديد أن ينتقل هو وزوجته إلى شقة أصغر، ويترك لهما الشقة الأكبر التي كان يقيم بها.
أوضحت التحقيقات أن هذا المقترح أثار غضب المتهمة، التي اعترضت على فكرة انتقالها إلى شقة أقل مساحة، في الوقت الذي تستعد فيه العروس الجديدة للإقامة في الشقة الأكبر، ما ولّد بداخلها شعورًا بالضيق تصاعد مع الوقت.
أكدت التحريات أنه يوم الواقعة تجدد الخلاف بين المتهمة والمجني عليها بسبب موضوع الشقة، وخلال المشادة قامت المجني عليها بدفع المتهمة، فاصطدمت الأخيرة برأسها وفقدت وعيها، فاستغلت المتهمة الموقف وأمسكت بطرحة المجني عليها، وقامت بشدها حول عنقها حتى فارقت الحياة، في لحظة انفعال مرتبطة بالخلاف حول الوحدة السكنية.
جهات التحقيق
استمعت جهات التحقيق إلى أقوال المتهمة تفصيليًا، كما قامت بتمثيل الجريمة داخل الشقة محل الواقعة، موضحة كيفية ارتكابها الحادث، والطريقة التي استخدمتها في إنهاء حياة المجني عليها، فيما لا تزال التحقيقات مستمرة لاستكمال باقي الإجراءات القانونية.
القصة إن في بنت اسمها فاطمة ياسر خليل عندها 20 سنة..راحت مع أمها تزور خطيبها لأنه عامل عملية الناسور، ويفطروا عندهم بالمرة، فالقاعدة كانت حلوة وخدتهم لحد ما الوقت اتأخر.
اتصلوا بأبوها يجي ياخدهم ويروحهم لكن مقدرش يجي بسبب عطل في العربية، فقالهم خلاص باتوا وتعالوا بكرة، بس كانت قاعدة معاهم شهد بنت أخت خطيب فاطمة واللي معروف عنها انها بتغير على خالها أوي.
خليل أخو فاطمة الله يرحمها قال في لايف إن شهد كانت هناك يومها، والغل دايما ماليها من فاطمة لأنها بتغير على خالها بطريقة زيادة عن اللزوم، وهما هنا حصل مشادة بينهم.
البنت وأمها دخلوا ناموا، وحسب كلام خليل إن شهد صحت فاطمة من النوم وقالتلها تعالي ننزل، قالتلها سيبيني يا شهد انا عايزة أنام بس هي أصرت عليها، لحد ما الكل صحي وقعدوا فاكرين إن فاطمة نايمة جوا.
أم فاطمة وحماتها بدأوا يجهزوا الفطار فشافوا شهد جاية وبتعيط جامد، سألوها على فاطمة قالت نايمة جوا، طب بتعيطي ليه؟، قالت مفيش أنا تعبانة ودخلت اتوضت ومسكت المصحف.
أم فاطمة حست بحاجة غلط فبدأت تبعت كذا حد يشوفوا فين بنتها، ويرجعوا يقولوها لسة نايمة، فقررت تقوم بنفسها تشوفها وتصحيها، الست اتفاجئت إن البطاطين متكومة فوق بعض كأن حد نايم ومفيش حد في السرير!.
راحت تبص في كل حته بس مفيش..راحت قالت لمحمود اللي هو العريس شوف بنـ.ـتي فين..راح طالع فوق شقته يبص ومفيش دقيقة قعد يصرخ الحقوني فاطمة ماتت!!.
وهنا كان أصعب منظر ممكن أم تشوف فيه بنتها..فاطمة ميتة وشها ولسانها وارمين وفيه إشارب حوالين رقبتها وايديها ورجليها مليانة عفار طين ورملة..كانت بتفرفر وهي بتطلع في الروح. لحد دلوقتي الشخص اللي عمل في فاطمة كدة مجهول، لكن الأسرة بتتهم شهد بنت أخت العريس، خاصة إن خطيبها كان بيحبها جدًا وبيعاملها كويس اوي، فليه يحصل فيها كدة في بيته؟
تفتكروا الغيرة ممكن توصل شخص إنه ينهي حياة غيره؟ ولو مش شهد يبقى مين عمل كدة في فاطمة؟
دعاء زوجة شقيق خطيب المجنى عليها فاطمه فى يوم الحادثه قالت لفاطمه تقول لمحمود يوافق إنه ياخد الشقه الصغيره ففاطمه رفضت وقالتلها مقدرش أطلب منه كدا وثانيا أنا ذنبى إيه أعيش فى شقه قديمه وانا لسه عروسه
المهم انهم اختلفوا مع بعض فالست دعاء شدت طرحة فاطمه وخنقتها بيها ومرحمتهاش ولم تتركها إلا وهى قاطعه النفس
المتهمه مثلت الجريمه من شويه أمام النيابه وتم حبسها على زمة التحقيقات
