كيفية حساب الإيجار بعد تطبيق قانون الإيجار القديم
تم نشر قانون الإيجارات الجديد برقم (١٦٤) لسنة ٢٠٢٥م
الأجرة اللي تدفع في ١ /٩ /٢٠٢٥ هي ٢٥٠جنيه لأي مكان بدفع أقل من كده كل اللي بدفع أكتر من كده يفضل زي ما هو
لو اللجان تأخرت في تصنيف منطقتك بتفضل تدفع ٢٥٠ جنيه زي ماهيا في ١/١٠ لحد ما اللجنة تعلن التصنيف
قد يهمك أيضا :-
ومن أول الشهر اللي بعد التصنيف الأجرة هتبقى كالتالي:
المنطقة المميزة
الفرض الأول: هتدفع أجرتك القانونية اللي كنت بتدفعها عادي جدا لكن مضروبة في ٢٠ضعف
مثال: لو بتدفع ٦٥ جنيه كأجرة قانونية
يبقى الحسبة كده: ٦٥×٢٠= ١٣٠٠ جنيه.
الفرض التاني: أجرتك القانونية مثلا ١٥جنيه؛
تبقى الحسبة كده: ١٥×٢٠= ٣٠٠ جنيه
الـ٣٠٠ جنيه أقل من الحد الأدنى اللي لازم تدفعه اللي هو ١٠٠٠
يبقى هتدفع ١٠٠٠ جنيه
المنطقة المتوسطة
الفرض الأول: هتدفع أجرتك القانونية اللي كنت بتدفعها عادي جدا لكن مضروبة في ١٠أضعاف.
مثال: لو بتدفع ٧٥ جنيه كأجرة قانونية
يبقى الحسبة كده: ٧٥×١٠= ٧٥٠جنيه.
الفرض التاني: أجرتك القانونية مثلا ٣٥ جنيه
تبقى الحسبة كده: ٣٥×١٠= ٣٥٠جنيه
الـ٣٥٠ جنيه أقل من الحد الأدنى اللي لازم تدفعه اللي هو ٤٠٠
يبقى هتدفع ٤٠٠ جنيه.
المنطقة الاقتصادية (الشعبيات)
الفرض الأول: هتدفع أجرتك القانونية اللي كنت بتدفعها عادي جدا لكن مضروبة في ١٠ أضعاف
مثال: لو بتدفع ١٥٠ جنيه كأجرة قانونية،
يبقى الحسبة كده: ١٥٠×١٠= ١٥٠٠ جنيه.
الفرض التاني: أجرتك القانونية مثلا ١٥ جنيه؛
تبقى الحسبة كده: ١٥×١٠= ١٥٠ جنيه
الـ١٥٠ جنيه أقل من الحد الأدنى اللي لازم تدفعه اللي هو ٢٥٠
يبقى هتدفع ٢٥٠ جنيه.
الزيادة السنوية ١٥%
– اعتبارا من ١/٩/٢٠٢٦ تبدأ زيادة ١٥% على الأجرة بمعنى لو بتدفع ١٠٠٠ جنيه
هتبقى الأجرة بعد الزيادة ١١٥٠ أول سنة
والسنة التانية هتتحسب على ١١٥٠مش على ١٠٠٠
بمعنى (١١٥٠×١٥) / ١٠٠ = ١٧٢.٥ + ١١٥٠ =١٣٢٢.٥جنيه
– ولما نيجي نحسب زيادة السنة التالته هتتحسب على آخر أجرة اللي هي ١٣٢٢.٥ جنيه
– وهكذا
ملحوظة: الأجرة القانونية هي أجرة لجان تحديد الأجرة المؤشر بها على العقد من لجان تحديد الأجرة في زمن تحرير العقد القديم أو الثابتة في دفاتر الضرائب العقارية (العوايد) أو الأجرة اللي حددتها المحكمة بموجب حكم قضائي
توضيح أكثر: متدفعش الأجرة اللي مكتوبة في العقد ولا الاتفاقية اللي بينك وبين المالك لكن ادفع الأجرة القانونية بعد ما تضربها في المضاعفات زي ما شرحنا فوق
نصيحة: عند الاختلاف لازم تسأل محامي متخصص في الايجار القديم على وجه السرعة.
