٣٥٠ ألف موظف في الأوقاف بياخدوا فلوس ليه..ممنوع لأصحاب الدماغ المربعة
٣٥٠ ألف موظف في الأوقاف بياخدوا فلوس ليه.. ما رأيك في وجهة نظر أحمد فرغلي
كتب أحمد فرغلي عبر صفحته: +18
ممنوع لاصحاب الدماغ المربعه
عدد 350 ألف موظف بوزارة الأوقاف ما بين مؤذن ومقيم شعائر وخطيب وخادم للمسجد ومفتش يتقاضون سنويا عشرات المليارات بدون أي جدوي !
الدين بيحث الناس عالعمل مش علي البطاله المقننه …
يعني ايه حد يتقاضي مرتب شهري لكونه بيروح الجامع يأذن !
طيب ما أي حد من زوار المسجد يأذن
يعني ايه حد يتقاضي راتب لكونه امام المسجد ،، يعني ايه امام المسجد يعني بيصلي بالناس ،، طيب ما اي حد من المصلين يصلي بالناس عادي جدااا !
ما هي القيمه المضافه علي المجتمع وعلي الدولة من هذه الوظائف !!
الأنبياء نفسهم رغم مشقة الدعوة الي الله لكن كان لديهم عمل ومهنه وحرفه هي مصدر للدخل لهم
النبي محمد صل الله عليه وسلم كان راعي غنم وتاجر بجانب دعوته
نبي الله عيسي كان نجار
نبي الله موسي كان تاجر
نبي الله داوود كان حداد
أبو الانبياء سيدنا آدم كان مزارع
نبينا نوح كان نجار
إذن لماذا هؤلاء لا يعملون ؟ فالدعوة ليست عمل وليست وظيفه لكي يتقاضي عليها الناس أجرا ، ده ربنا في الآية الكريمة بيقول “اتَّبِعُوا مَنْ لَا يَسْأَلُكُمْ أَجْرًا وَهُمْ مُهْتَدُونَ .
لازم الدوله تنتدب العاملين في الأوقاف للوزارات المختلفة ، الشهر العقاري المرور ودواوين المحاكم والمصالح الحكومية واي وزارة لديها نقص في العمالة تنتدب من وزارة الأوقاف …
المؤذن مش وظيفه
والامام مش وظيفه
ومقيم الشعائر مش وظيفه
وخادم المسجد مش وظيفه
هتقولي الدوله مش عايزه تسيب المساجد لطيور الظلام هقولك 80% من العاملين في الاوقاف هم من طيور الظلام وليس لهم أي ولاء للدوله المصريه ولو الموضوع مفيهوش عقوبه كانوا حرضوا علي الدوله في ميكرفونات المساجد …
بلاش نحط رأسنا في الطين ، ايه القيمه المضافه علي الاقتصاد القومي من هذه الوظائف ؟ زيروا
القيمه المضافة للمجتمع من هولاء زيروا ، حتي خطبهم الدينيه لا تتحدث عن السلوك وعن اتقان العمل وعن النظافه وعن الحفاظ علي الممتلكات وغيرها والذي هو جوهر الدين الإعمار في الارض ، ولكن كل خطبهم عن قصص مكرره جميعا قرأها وسمعها الف مره …
اتمني من اصحاب الشأن السياسي والديني مراجعه هذه الوظائف وما هو جدواها ويتم انتدابهم الي وزارات بها عمل حقيقي يحقق قيمة مضافه مع زياده في مرتباتهم بنسبة 100% اللي بياخد عشره ياخد عشرين لكن يفيد ويستفيد
وتكليف ادارة المساجد الي متطوعين من كل منطقه لادارة المساجد من اهل العلم واهل الدين حتي نظافه المساجد يتم تكليفها الي متطوعين ويكونوا معلومين ومسجلين مسبقا لدي اجهزة الدوله وانا اول واحد هشارك في نظافه بيت من بيوت الله ، ارجوا توجيه طاقات تلك العاملين الي عمل حقيقي اسوة بالصحابه والانبياء …
واذا لم يتم توفير لهم عمل يتم السماح لهم بالعمل في اعمال خاصه بجوار عملهم سواء في التجاره والصناعه والزراعه وغيره والسماح لهم بعمل سجل تجاري لممارسة اي نشاط ….
